viernes, mayo 23, 2014

Los andilis del'agua: La riá de 1960

No vos perdais estas recordanças a tentu dela riá del añu 60. El mi tíu me la contó de quandu él chicu, que la genti ahuyía pa Guadiana. Que la Cabrilla cogió tanta agua comu Guadiana i allegó al puebru alagandu tola parti sul, que es la parti baxera del puebru i pondi se recuerda passava un regatinu. 

Aquí vos queu con dos atillus:
Valdelacalzada ayer: El río, las riadas y el muro.
Noticia en el ABC delos muertus pol temporal en Almendraleju.

viernes, mayo 02, 2014

La Verea Colorá

El veranu del añu passau, embaxu del solatu más dañinu, cogí la becicleta pa dil a una parti que me susprendió quandu allegué: la vega dela Rivera del'Alcaçava enantis de llegal alas Cuestas pol cordel de Barbañu. Oi ei repetíu, enque el airi me tirava patrás i traigu las piernas comu si huera estau subiendu barreras tol ratu, peru el viagi valió la pena. Varié un poquinu el caminu, esta ves ahorré pola Verea Colorá pa conocel un vau que no tenía vistu i la parti de Los Arenales conos sus olivaris i los chaleris charramanduscus. La verdá es que no es lo mesmu vel esta parti del Montiju enas retrataúras que estuviendu pallí viendu las águilas, sintiendu el campanillu del ganau pala hesa del cortiju del Paxarito o los olivaris del Cerro Gordo asperandu en silenciu. 

Los Arenales, dendi el Cerro Gordo

Olivaris dela Alcaçava

La vega dela Alcaçava

Vau dela Verea Colorá ena Alcaçava

La Verea Colorá junta el vau

La Verea Colorá, que por algu tien essi nombri
Avuelitu

Pargañas


Al fondón, el Cerro Gordo

Vista dela Alcaçava, al fondón la Dehesa Nueva